Struktura e Posaçme ka nisur punimet për ndërtimin e një konstruksioni lidhës mes godinës së SPAK dhe asaj të BKH, që ndahen nga rruga “Jordan Misja”.
Leja me objekt “Ndërtim dhe rikonstruksion për godinën e re të SPAK” është miratuar më 25 shkurt të këtij viti.
Projekti kap vlerën e gati 430 milionë lekëve me TVSH ndërsa punimet pritet të zgjasin maksimumi 1 vit. Dy godinat SPAK-u dhe BKH-ja do të lidhen nga një “tunel” që do të kalojë sipër rrugës Jordan Misja ose siç njihet nga të gjithë si “rruga e burgut”.
