Prokuroria e Posaçme ka mbyllur hetimet ndaj Olsi Ramës, i paditur nga Gazment Bardhi por këto akuza politike rezultuan një “farsë” e krijuar nga “rumpalla demokratike”.
SPAK thekson se nuk ka asnjë provë që implikon Olsi Ramën me laboratorin e “Xibrakës”, i cili përdorej për prodhim të lëndëve narkotike.
Tashmë që drejtësia e re shpalli të pafajshëm Olsi Ramën, Gazment Bardhi “nuk i beson syve” për reagimin e SPAK-ut për dosjen “Xibraka”.
“Nuk u besova syve me atë që lexova që hetimet kanë përfunduar po s’kanë përfunduar, ky ishte thelbi i atij njoftimi qesharak. Njoftimin qesharak të prokurorisë e kam njoftuar që ditën e parë kur kam denoncuar me fakte dyshimin e arsyeshëm. E kam njoftuar përgjigjen që kur kam denoncuar me fakte dyshimin e arsyeshëm për përfshirjen e mundshme të Olsi Ramës,” thotë ndër të tjera Gaz Bardhi.
