Avokati Spartak Ngjela thotë se nëse Prokuroria e Posaçme (SPAK) nuk do të arrestojë zyrtarët e lartë që janë përfshirë në korrupsion, atëherë sipas tij, duhet të ndërhyjë forca ushtarake.
Ngjela u shpreh se SHBA-të nuk mund të lejojnë korrupsionin në Shqipëri, sepse na konsiderojnë vend aleat.
“Shoqëria mezi e pret hakmarrjen e saj ndaj vjedhësve. I kanë vjedhur, i kanë fyer, i kanë detyruar të emigrojnë me fëmijë, me prindër. Duke filluar nga kjo dhe në qoftë se SPAK-u fillon goditjen e anti-korrupsionit, e këtyre peshkaqenëve të mëdhenj që kanë grabitur popullin, menjëherë do ketë një vlerë të re në moralitetin shqiptar, do fillojë një besim ndaj shtetit shqiptar dhe shoqëria do fillojë të çlirohet së brendshmi. Atëherë, do ta bëjë SPAK-u këtë? Vetëm t’ju them një gjë, ose do ta bëjë SPAK-u, ose do ta bëjë forca ushtarake, nuk ka rrugë tjetër”, tha Ngjela.
