Kandidatja e PD-së, Julia Ilirjani ka pranuar rezultatin e humbjes në qetësi duke mos bërë asnjë koment pozitiv apo negativ për këtë proces.
Ky detaj i ka bërë përshtypje edhe gazetarit Çim Peka, i cili nuk ka nguruar që të ndajë publikisht opinionin dhe konsideratën e lartë për aktoren.
Peka ka postuar një foto të Julias krah së cilës shkruan se me sa dinjitet dhe klas e përballoi këtë proces zgjedhor.
“Nuk e kam pasur asnjëherë në studio, e kam parë vetëm nga rrjetet dhe ekrane. Por, supriza e këtyre zgjedhjeve për mua është kjo zonjë. Asnjë përkrahje, e vetme, e bindur që nuk kishte shance, hyri në një garë krejt të pabarabartë vetëm për të bërë publike bindjet e saj. Asnjë fjalë zemërimi pas zgjedhjeve, asnjë ankesë, asnjë pendese, thjeshtë bio. Nuk kam parë grua më të dinjitetshme në këto zgjedhje dhe post/ zgjedhje në qëndrime se sa kjo zonjë! Çfarë klasi”, shkruan Çim Peka.
Kujtojmë se Julia Ilirjani kandidoi nën logon e PD në qarkun e Tiranës ku dhe arriti të merrte vetëm 391 vota, duke u renditur e parafundit.
