Presidenti Bajram Begaj i dorëzoi sot pasaportën shqiptare, trajnerit të kombëtares Sylvinhos. Pasaporta iu dorëzua gjatë mbrëmjes Gala ”Më të mirët 2023″, ku ishte i pranishëm edhe Kryeministri Edi Rama.
Në fjalën e tij Rama tha se: “ndjej nevojën për të falënderuar me gjithë zemër të gjithë ata që e mundësuan këtë sukses të jashtëzakonshëm për Shqipërinë, përgëzimin dua ta filloj nga pak më larg, nga Gianni De Biassi, i cili është njeriu që na tregoi se kjo nuk është një ëndërr e pamundur. Dua ta vazhdoj me Edi Rea-n. Të ndaloj një sekondë këtu, me Sylvinho: E njeh presidentin e Shqipërisë? Presidentin tonë, jo të Brazilit, duhet të vish sepse do të ta prezantoj. Atëherë siç premtuam, sot duam të gjithë së bashku të të japim shtetësinë shqiptare”.
Trajneri Sylvinho tha se: “Faleminderit shumë. Është një mbrëmje shumë e rëndësishme për mua për historinë e Sylvio Mendez Campos Junior. Një djalë që ka dalë nga San Paolo dhe nisi një rrugëtim, shkoi në Londër , Barcelonë, Manchester, Milano dhe mbërriti në Tiranë, një tokë dhe vend i bukur”.
