Bashkëshortja e kryeministrit Edi Rama, Linda Rama ka folur për pasurinë e saj.
E pyetur nga gazetari Blendi Fevziu, nëse pasuria e saj është shtuar si pasojë e të qenit bashkëshorte e kreut të qeverisë, Linda Rama e kishte një përgjigje të prerë.
“Sigurisht që unë kam punuar dhe Edi ka punuar dhe ne për shkak të punës paguhemi, jemi subjekt të deklarimit të pasurive. Çdo njeri është i lirë me të ardhurat e veta ta përcaktojë vetë kush është interesi për të menaxhuar paratë. Të ardhurat e mia personalisht nga puna dhe ekspertiza janë ulur ndjeshëm dhe për shkak të këtij filtrimi që bëj për të mos marrë përsipër punë që mua nuk më qëndrojnë nga pikëpamja etike. Sa marr unë në vit janë online deklaratat e pasurisë. Mund t’i dijë gjithkush që është i interesuar se çfarë të ardhurash financiare kemi ne në një vit. Por ne punojmë mjaftueshëm për të bërë një jetë siç mund të bëjë një shtresë e mesme”, tha Linda.
