SHBA dhe Bashkimi Europian vleresojne maksimalisht “draftin” e propozuar nga Edi Rama për të zgjidhur konfliktin ndermjet Serbise dhe Kosoves ne veri te vendit.
Në një diskutim publik në Uashington, i dërguari i Posaçëm i SHBA-së për Ballkanin Perëndimor, Gabriel Escobar dhe emisari Europian Miroslav Lajçak e kanë cilësuar serioz propozimin e kryeministrit të Shqipërisë Edi Rama për draft-statutin e Asosacionit të komunave me shumicë serbe.
Zyrtari i larte i SHBA-se, Gabriel Escobar tha se drafti ishte konstruktiv, ndërsa propozoi që qytetarët ta lexojnë, pa lënë të kuptohet nëse është bërë publik tashmë.
“Ishte një draft shumë konstruktiv. Iu bëj thirrje njerëzve që ta lexojnë” – u shpreh Escobar.
