“Te ndalet menjëherë survejimi i partive politike në fushatë zgjedhore”. Kështu u shpreh kryeministri Edi Rama një ditë pasi SPAK njoftoi ngritjen e një “Task Force” të posaçme për krimet zgjedhore.
Rama deklaroi se pushtetet janë të ndara dhe nuk mund të cënohen të drejtat e pushtetit ekzekutiv.
Sipas tij, nuk mund të survejohen partitë politike në një proces elektoral, të cënohen të drejtat për të marrë vendime, të trysnohet administrata e shtetit apo të paragjykohen.
“Nuk mund të kthehemi në kohërat e errëta . Nuk mund dot të survejohen partitë politike në një proces elektoral. Uroj të jetë lajthitje e momentit dhe menjëherë të ndalet çdo lloj survejimi në territor. Nuk mund të kthehemi në kohërat e errëta që kush merret në politikë të survejohet. Nuk duhet të interferojmë tek njëri tjetri“, tha Rama.
