Një tërmet me magnitudë 4.2 të shkallës Rihter me epiqendër pranë zonës së Niklës, në një thellësi prej vetëm 5 kilometrash.
Sizmiologu Besian Rama deklaroi se lëkundje të tilla janë të zakonshme për vendin tonë dhe ndihmojnë në çlirimin e energjisë sizmike, duke ulur rrezikun e tërmeteve më të mëdha në të ardhmen.
“Zona e Krujës ka disa linja thyerjeje, që prodhojnë herë pas here lëkundje të këtij lloji. Këto tërmete janë një kujtesë se duhet të mësojmë të bashkëjetojmë me to dhe të jemi të përgatitur. Është shumë më mirë që të ketë tërmete me magnituda të ulëta që çlirojnë energjinë, sesa të ndodhin papritur lëkundje të forta e të rrezikshme. Në raste të tilla, është e rëndësishme të qëndrojmë në një vend të sigurt, të hapim dyert për të shmangur bllokimin dhe të vendosemi pranë objekteve të qëndrueshme. Paniku nuk ndihmon, ndaj duhet të jemi të përgatitur dhe të veprojmë me kujdes”, tha sizmiologu.












