E ftuar në “Live From Tirana” me Ronaldo Sharkën, ka qenë detektivja private Shkenda Lili.
Ajo ka folur më shumë për tradhtinë, si tradhtojnë njerëzit sot dhe me kë, si dhe rastet që e kanë tronditur atë më shumë gjatë punës së saj.
“Mendoj që dikur në Shqipëri, kanë qenë shumë të izoluar dhe nuk ka qenë kaq e përhapur pjesa e tradhtisë, si për femrat ashtu dhe për meshkujt. Tashmë kanë filluar e kanë kthyer si në modë, dukesh si një njeri kot, sikur nuk ekziston në këtë kohë që po jetojmë, po nuk pate një marrëdhënie tjetër. Je jashtë mode fare, nuk merr vesh nga moda. Të paktën këtë koncept kam arritur unë të kuptoj. Jo vetëm burrat tradhtojnë, por unë shoh dhe shumë gra që janë të martuara, që kanë një familje dhe chat-ojnë me të tjerë, dalin. Duan të provojnë gjëra të reja”, tha detektivja e njohur.
