Pas një proteste ku shkulën traun e vendosur në hyrje të Parkut Kombëtar “Divjakë-Karavasta”, banorët kanë përfituar hyrjen pa pagesë në park. Ministria e Turizmit u tërhoq dhe njoftoi se hyrja me pagesë do të jetë vetëm për turistët dhe jo banorët e zonës.
Në një njoftim që shpërndau për mediat, ministria njoftoi se “bëhet fjalë për një biletë modeste në vlerën 50 lekë, për të rritur shërbimet dhe mirëmbajtur parkun. Kjo biletë do aplikohet vetëm për turistët dhe prej saj përjashtohen banorët e zonës”.
Më herët, banorët e indinjuar thanë se vendosja e traut dhe pagesës është e jashtëligjshme.
Forca të shumta policie mbërritën në hyrje të zonës, por sërish banorët zhvendosën kioskat që ishin instaluar duke u përplasur me policinë.
