Qytetarët që duan të pajisen me leje drejtimi të kategorisë B, do t’u duhet të paguajnë nga 850 mijë lekë të vjetra, ndryshim i cili pritet të futet në fuqi brenda muajit mars.
Ky 3-fishim i çmimit vjen pas një marrëveshje të nënshkruar nga DPSHTRR, DPT dhe shoqata e autoshkollave, ndërsa ligji i ri hyn në fuqi brenda muajit mars. Ky ndryshim do të bëhet për të eleminuar sekserët dhe konkurencën e pandershme që ka përfshirë tashmë edhe tregun e autoshkollave. Sipas marrëveshjes, cdo autoshkollë duhet të deklarojë të gjitha të ardhurat tatimore.
“Kjo marrëveshje ndihmon që ne të fuqizojmë autoshkollat e ndershme, të mbrojmë autoshkollat e ndershme. Duhet të pranojmë që jo të gjithë janë të tillë. Ka rënë vlera e autoshkollimit”, tha drejtori, Blendi Gonxhe.
