Shqipëria do të vijojë nën ndikimin e masave ajrore të ftohta dhe të thata me origjinë kontinentale duke sjellë mot të kthjellët dhe të ftohtë, më të theksuara kthjellimet do të paraqiten përgjatë vijës bregdetare dhe pjesërisht zonat e ulëta.
Parashikohet që orët e pasdites dhe në vijim të sjellin herë pas here kalime vranësirash të pakta nëpër të gjithë territorin; megjithatë nuk priten reshje.
Temperaturat e ajrit do të ulen sërish në mëngjes, por rriten në orët e mesditës duke luhatur vlerat ditore nga -8°C vlera më e ulët deri në 14°C vlera më e lartë e cila pritet në Vlorë dhe Sarandë.
Malësia e Shkodrës do të jetë zona më e ftohtë ku temperaturat të dielën do të zbresin deri në -8 gradë Celcius.
