Për herë të parë pasi u mor i pandehur, deputeti socialist Plarent Ndreca për rreth 4 orë u mor në pyetje nga SPAK-u.
Deputeti i PS ka kërkuar vetë të paraqitet në SPAK, pasi është njohur me përfundimin e hetimeve ndaj tij. Pasi doli nga Prokuroria e Posaçme, Ndreca tha se do të flasë në momentin e duhur pasi çështja është ende në hetim.
“Në cilësinë e personit që vijon ende hetimi. Do shprehem në momentin që duhet të shprehem. E kam lexuar dhe do shprehem në atë moment që unë konsideroj se është e duhura. Mos u nxitoni, do shprehem në momentin e duhur. Çështja konsiderohet si çështje akoma në hetim”, tha Ndreca pasi doli nga SPAK.
