Pasi e largoi Monika Kryemadhin nga funsionet drejtuese të Partisë së Lirisë, Ilir Meta së fundmi ia ka besuar postin drejtues Tedi Blushit.
Blushi ka zbuluar se bisedon çdo ditë me kreun e Partisë së Lirisë, Ilir Meta i cili prej më shumë se një muaji qëndron në paraburgim.
Blushi shprehet se Ilir Meta nuk ka celular, por e merr nga një kabinë telefonike që ndodhet brenda ambienteve të burgut.
“Nuk është rastësi që dy drejtuesit e opozitës kanë qenë më masa të paligjshme izolimi. Dhe kjo thjesht në axhendën politike të Edi Ramës. Unë kam komunikim të përditshëm me Ilir Metën dhe për shkak të funksionit, komunikimi është i pashmangshëm. Bisedat janë telefonike dhe nëpërmjet mesazheve të shkruara. Ky ka qenë qëllimi i izolimit që të mos komunikojë me drejtuesit e partisë dhe anëtarët. Nuk ka aparat celular, merr nga një kabinë telefonike”, tha Blushi.
