Deputeti i ri i PD, Bardh Spahia ndodhet i shtruar në spital për shkak se ka thyer këmbën.
Lajmin e ka bërë me dije vetë Bardh Spahia i cili shprehet se ngjarja ndodhur aksidentalisht teksa luante futboll me djalin dhe nipat.
Mesa duket legjislatura e re parlamentare do ta gjejë Bardh Spahinë me paterica ndërsa vetë ai thekson se më e rëndësishmja ka kaluar dhe tani do qëndrojë pak javë “në stol”.
“Breaking news! Nuk i rezistova dot sfidës për një ndeshje futbolli me djalin dhe nipat. Shumë entuziazëm dhe energji por në fund “trofeun” e fitova unë: frakturë e kaviljes dhe këmba në allçi. Më e rëndësishmja kaloi, tani pak javë “në stol”. Ndërkohë po shijoj pak kohë me ta si “kapiten jashtë fushe”, i rrethuar nga skuadra ime më e çmuar: familja”, shkruan Bardh Spahia.
