Ministri i Drejtësisë dhe drejtuesi politik i PS në qarkun e Lezhës, Ulsi Manja ka marrë pjesë në një takim elektoral ku i është bashkuar edhe reperi i njohur Noizy.
Manja iu përgjigj me ironi kritikave të Sali Berishës për makinën luksoze të artistit, të cilën ky i fundit e përdori në inaugurimin e rrugës së Arbrit.
“E kishte merak Saliu që këndohej kënga e Hajredin Pashës dhe se Noizy kishte ardhur me Lamborghini. Por sot dua të them se më në fund u përmbush një ëndërr shekullore e Dibrës për t’u lidhur me Tiranën. Dhe ku ka më mirë se ky përurim të bëhet me një Lamborghini, të blerë me talentin e këtij djali” u shpreh Manja.
