Kryetari i Bashkisë së Tiranës, Erion Veliaj thotë se kandidatët e Ilir Metës për zgjedhjet e 14 majit janë miniaturë e tij. Në një intervistë për Report Tv nuk kursen komentin për kreun e PL duke thënë se është i dehur shumicën e kohës dhe është bërë gazi i botës.
“Po dëgjoja sot kandidatët e Ilir Metës, janë miniaturë atij. Konviktet po rregullohen. Edhe ata po mundohen t’i ngjajnë atij që është i pirë shumicën e kohës, bën selfie si pjeshkë blloku, është bërë gazi i botës”, tha Veliaj.
“Këta Partia e Lekut kanë shumë para sa nuk i shohin fare faturat. Të dy Meta edhe Berisha zgjohen në Gjirin e Lalzit dhe nuk e dinë se Tirana ka ndryshuar. Është rasti konkret i doktorit (Berisha) që është shndërruar në pacient. Është rëndë. Një njeri që nuk kalon dot Aeroportin e Rinasit. I mbaron autoriteti në segmentin SHQUP-Rinas”, tha Veliaj.
