Kryeministri Edi Rama ka shkuar sërish në Bashkinë e Tiranës të enjten menjëherë pas një komunikim me ndjekësit në rrjetet sociale ku mori sërish në mbrojtje Erion Veliajn të arrestuar me urdhër të SPAK.
Kjo është hera e tretë që kryeministri shkon në bashkinë Tiranë që pas arrestimit të Veliajt, ndërkohë që në krye të bashkisë më të madhe në vend u komandua nënkryetarja Anduena Ristani.
Burime bëjnë me dije se Edi Rama sot është takuar me 5 nënkryetarët e Bashkisë së Tiranës në një takim të shkurtër rreth 10 minuta.
Vizita të tilla pritet që të jenë të shpeshta nga shefi i qeverisë, pasi siç ai vetë ka deklaruar bashkia e kryeqytetit do të jetë në “patronazhin” e tij pas burgosjes së padrejtë të Veliajt./ Rilindje.info
