Kryeministri Edi Rama ftoi vendet e rajonit të marrin shembullin e Shqipërisë për reformën në drejtësi.
Në konferencën e përbashkët me kancelarin gjerman Olaf Scholz, Rama u shpreh se arritjet e Shqipërisë në drejtësi kanë çuar para ligjit edhe njerëz të profilit të lartë të lidhur me mazhorancën.
“Samiti është një kënaqësi, nder dhe shprehje besimi, por edhe një detyrim ndaj aleatëve tanë kaq të rëndësishëm, Gjermanisë, qeverisë federale fakti që samiti vjen në Tiranë. Jemi i vetmi vend në rajon që falë reformës në drejtësi duhet të na marrin shembull edhe vendet e rajonit. Ka ardhur dita që në Shqipëri edhe njerëz me profil të lartë të lidhur me shumicën qeverisëse duhet të shkojnë përpara drejtësisë”, tha Rama.
