Këngëtari i njohur dhe fituesi i Big Brother VIP, Luiz Ejlli është dënuar nga Gjykata e Shkallës së Parë me 1 vit burg.
Luiz Ejlli është dënuar pasi akuzohet se ka ‘falsifikuar dokumente’ për të justifikuar burimin e paligjshëm të pasurive.
“Falsifikuan dokumente për të justifikuar burimin e paligjshëm të pasurive me prejardhje nga aktiviteti kriminal, me kërkesë të Prokurorisë Fier dënohet ish-noteri L.E. dhe shtetasi F.A. Prokuroria pranë Gjykatës së Shkallës së Parë të Juridiksionit të Përgjithshëm Fier kërkoi dënimin me 12 muaj burgim të ish-noterit E.L., dhe shtetasit F.A. të akuzuar për kryerjen e veprës penale ‘Falsifikimi i dokumenteve’ kryer në bashkëpunim”, thuhet në njoftim.
Pas këtij vendimi të Gjykatës së Shkallës së Parë në Fier, Luiz Ejlli momentalisht nuk do të shkojë në burg por pritet “fjala e fundit” nga Apeli e cila do të japë “verdiktin” final për këngëtarin aq shumë të dashur për publikun.
