234 ditë dëgjesash, më shumë se 270 dëshmitarë: verdikti do të merret sot ndaj ish presidentit të Kosovës Hashim Thaçi. Shumë varet prej këtij vendimi, duke përfshirë këtu edhe interpretimin e ndërhyrjes së NATO-s në 1999.
Kjo e mërkurë do të hyjë në një fazë decisive për akuzën e krimeve të luftës. Katër drejtuesit e lartë të UÇK kanë mbi supe 102 akuza për krime lufte dhe krime kundër njerëzimit. Akuzat përfshijnë arrestime arbitrare, rrëmbime, ekzekutime dhe vrasje. Akuza pretendon se UÇK përdori metoda terroriste për të mbrojtur veten nga terrori serb në Kosovë.
Sipas akuzës, UÇK vepronte në shumë kampe burgjesh me qindra të burgosur duke përfshirë jo vetëm serbë, por edhe Shqiptarë që mendoheshin të ishin bashkëpunëtorë.
Thaçi mbante detyrën e zëdhënësit politik për UCK në luftën e 1999. Në një fazë të rëndësishme para luftës, gjatë luftës dhe në vitet në vazhdim, ai ka qenë personi I kontaktit më I rëndësishëm për perëndimin. Një vendim fajësie, do të forcojë propagandën e Moskës dhe Beogradit që kanë thënë gjithmonë se NATO është e lidhur me krimet e luftës në Kosovë. Sidoqoftë, gjyqi nuk do të përfundojë të mërkurën. Nëse Thaci gjendet fajtor, mbrojtja do të apelojë, nëse do të shpallet I pafajshëm, këtë gjë do ta bëjë prokuroria.
Thaçi akuzohet për intimidim dëshmitarësh
Thaçi do të mbetet në Hagë pavarësisht vendimit të sotëm sepse një gjyq tjetër po zhvillohet kundër tij, I ndarë nga I pari. Në këtë gjyq të dytë, Thaçi akuzohet se ka influencuar dëshmitarët. Ai do të përballet me 6 vite burg në shtesë të vendimit të gjykimit kryesor. Akuzat janë se Thaçi ka dhënë instruksione nga burgu sesi duhet të dëshmojnë në gjyq disa dëshmitarë.
Kjo është e evidentuar sipas prokurorisë me 28 ore përgjime telefonatash e bisedash. Burimet e Gjykatës thonë se takimet e Thaçit me avokatët apo familjen, nuk kanë qenë të monitoruara. Megjithatë, bazuar në dyshimet e arsyeshme, bisedat e tij me bashkëpunëtorët dhe palë të treta kanë qenë të monitoruara prej muajsh. Këto akuza mbështeten me regjistrime audio për 9 biseda, ashtu sikurse edhe në dokumente të shkruara. Thaçi raportohet se ka instruktuar dëshmitarë të mohojnë prezencën e tij në disa skena krimi.
Mbrojtja nuk I mohon këto biseda, por më shumë rëndësinë e tyre; asnjë kërcënim nuk është bërë, nuk ka pasur viktima dhe këto biseda kanë influencë zero jashtë qendrës ku ai po mbahet.
