Ministrja e Jashtme, Olta Xhaçka ka përshëndetur dorëzimin e aplikimit të Kosovës për t’u anëtarësuar në Bashkimin Europian.
Xhaçka thekson se vendi ynë do të ndihmojë Kosovën në çdo hap gjatë këtij procesi.
“Urime Kosovës për aplikimin për anëtarësim në Bashkimin Evropian. Shqipëria do ta mbështesë dhe ndihmojë Kosovën në çdo hap të këtij procesi. Vendi i Kosovës është në BE ashtu siç edhe e ardhmja e Ballkanit Perëndimor është në BE”, shkruan Xhaçka.
Më herët në lidhje me aplikimin e Kosovës për t’u bërë pjesë e familjes europiane reagoi dhe presidenti i Shqipërisë, Bajram Begaj, i cili përgëzoi Kosovën për përmbushjen e detyrimeve të procesit të anëtarësimit.
