Sali Berisha prezantoi kandidaturat e të djathtëve për qarkun e Tiranës. Mes tyre qëndronte një ndër figurat më të vjetra të kësaj force politike, Edi Paloka si dhe një tjetër risi në këtë parti, Akil Kraja.
Këta të fundit kanë pasur dhe një mosmarrëveshje të cilët nuk e kanë kamufluar as para qytetarëve e kamerave. Në transmetim LIVE, dy demokratët kanë debatuar se kush do të merrte fjalën i pari në këtë takim.
Siç shihet dhe në video Paloka i drejtohet Krajës dhe nga mënyra se si lëviz duart kuptohet se i kërkon që të presë radhën për të folur, ndërkohë që gjithë kjo skenë po ndiqej edhe nga Sali Berisha i cili qëndron i ulur afër tyre.
Ky moment është sjellë në vëmendje të ndjekësve nga një tjetër demokrat, ish-nënkryetari i Bashkisë së Kamzës, Vendim Demaj ka ironizuar “ish-kolegët e partisë”, duke thënë se përplasjet mes tyre nuk ngurojnë t’i fshehin as para kamerave.
