Edhe pse jemi zyrtarisht në pranverë, në Shqipëri është regjistruar një rënie e ndjeshme e temperaturave, e shoqëruar me rikthimin e reshjeve të dëborës në disa zona, përfshirë edhe jugun e vendit.
Gjatë mbrëmjes së djeshme, deri në orët e para të mëngjesit, Qafa e Llogarasë është zbardhur nga dëbora.
Ndërkohë, borëpastrueset kanë qenë në terren gjatë gjithë kohës, duke punuar për pastrimin e rrugës dhe mbajtjen e saj të hapur për qarkullimin e automjeteve, e cila aktualisht paraqitet e kalueshme.
Reshje të lehta dëbore janë raportuar edhe në qarkun e Gjirokastrës, ku sipas pamjeve të fundit, bora është shfaqur edhe në zonat urbane të qytetit.
