Në fundjavë pritet një tërheqje e lehtë e valës të nxehtë afrikane duke sjellë edhe freskim të lehtë të motit në vendin tonë.
Pas mesditës të së shtunës do të ketë shtim të vranësirave në pjesën më më madhe të territorit, ku në intervalin kohor 15:00 deri në orën 19:30 do të gjenerojnë rrebeshe shiu kryesisht në zonat veri-lindore dhe jug-lindore.
Temperaturat do të pësojnë rënie të lehtë në mëngjes, por mesdita sjell rënie më të ndjeshme të tyre duke luhatur vlerat ditore nga 18°C temperatura më e ulët e shënuar në qytetin e Pukës, kurse 38°C do të jete vlera më e lartë përgjatë Ultësirës Perëndimore.
》Sinoptikani Hakil Osmani: “Ditën e shtunë pritet që të kemi reshje të izoluara shiu në orët e pasdites, por të fokusuara vetëm në zonat lindore dhe në zona më të izoluara, ndërsa dita e dielë sjell një mot më të qëndrueshëm, duke bërë që të kemi intervale të gjata me diell, nuk priten reshje. Të shtunën dhe të dielën pritet të ketë një tërheqje të valës së të nxehtit duke bërë një ulje të temperaturave me disa gradë“.
