Mes qeverisë së Tiranës dhe asaj të Athinës duket se ka nisur një erë e re dhe palët kanë çështjen “Beleri”.
Prapaskenat zbulohen nga e përditshmja greke “Kathimerini” përmes një artikulli të titulluar “Dritare konsultimi me Tiranën”, ku bëhet me dije se janë duke u zhvilluar negociata për zgjidhjen e çështjeve që mbajnë peng marrëdhëniet mes dy vendeve.
Gazeta greke shkruan se për palën shqiptare është duke negociuar Endri Fuga, një nga njerëzit e besuar të Edi Ramës. “Kathimerini” zbulon se qeveria shqiptare ka bërë lëshimin e parë duke pranuar një kërkesë të minoritetit grek që të mund të vetëdeklarohet si i tillë pa pasur nevojë për dokumente shtesë.
Gjithashtu, Qeveria shqiptare duket se ka marrë përsipër të ndihmojë në zgjidhjen e çështjeve të pronave të minoritetit grek dhe të pranojë aplikimin e gjuhës greke edhe në zonat të ashtuquajtura minoritare ku pakica greke është nën 20% dhe të çojë përpara çështjen e varrezave të ushtarëve të rënë gjatë Luftës së Dytë Botërore.
Nga ana tjetër edhe Athina ka pranuar të bëjë disa lëshime duke nisur me mosbllokimin e hapjes së kapitujve të negociatave për Shqipërinë në Bruksel. Një tjetër çështje që qeveria greke po shtyn është marrëveshja për njohjen e sigurimeve shoqërore.
Në negociata është edhe zgjidhja e çështjes së pronave të komunitetit çam në Greqi dhe heqja e ligjit të luftës. Sipas të njëjtave burime të dyja palët pritet të rinisin diskutimet edhe për kufirin detar.
