Zegjine Çaushi, kandidatja e PS-së në qarkun e Fierit, ka shigjetuar Gazment Bardhin gjatë fjalës së saj nga takimi përmbyllës i PS në këtë qytet.
Ajo tha se Bardhi nuk është parë askund gjatë fushatës në qytet. Sipas saj, Fieri do të marrë 12 deputetë në 11 maj, duke theksuar bindjen për një rezultat të thellë në zgjedhje.
”Fieri do të marrë jo 11, por 12 deputetë. Tani ai shoku jonë s’dihet se ca do jetë duke bërë. Ti bëjmë një përshëndetje apo jo. E kam kërkuar në këto ditë dhe se kam gjet se s’ka fierak që ti hap derën Gazos dhe kënetës së tij. Gazo ku je, ka dal deti Gazo, ti s’di as not mo Gazo, do më mbyteshe këtu mo Gazo. Shiko dallgët që kanë ardhur në këtë shesh. Shyqyr që ke atë gomeraren e papabufit, ajo do të shpëtojë se je në listë të mbyllur”, tha Zegjineja.
