Ermal Dredha, aktualisht Ambasador i Shqipërisë në Dubai dhe Odise Moçka, aktualisht avokati i Shtetit janë 2 emra favorit që përfliten në korridoret e Partisë Socialiste si kandidatë për kryetar bashkie në qytetin e Vlorës.
Zyrtarizimi i emrit pritet më 25 mars, kur socialistët do të mbledhin Kryesinë. Të dy kandidatët potencialë kanë transferuar në Bashkinë e Vlorës gjendjen civile dhe transferimi ka ndodhur ditët e fundit. Si Dredha, ashtu edhe Moçka rezultojnë aktualisht banorë të Bashkisë së Vlorës, ndërsa deri pak ditë më parë ishin banorë të Bashkisë së Tiranës.
Njëri prej emrave të përfolur pritet që të zëvendësoj edhe Dritan Lelin. Në 4 vitet e fundit Leli dhe Rama kanë patur marrëdhënie të tensionuar pasi Leli refuzoi të kandidonte për deputet në 25 prill 2021.
