Kandidati për deputet i PD në Qarkun e Lezhës, Gjin Gjoni deklaroi se Berisha “do të bëjë të gjitha përpjekjet që këto zgjedhje të mos njihen”.
Kur u pyet nga “A2 CNN”, nëse do i pranojnë rezultatet e zgjedhjeve, Gjin Gjoni u përgjigj:
“Procesi do të mbyllet në mënyrë pozitive për PD. Në Lezhë kutitë e fundit po flasin për PD. Do të presim dhe rezultatin e Laçit dhe kam besim se PD do të triumfojë në këto zgjedhje 4-3. Nesër do të shikojmë rezultatin e kandidaturave të PD, por kam bindjen se do të jem në Parlament. Nisur nga informacionet që kemi, ka patur intimidim të votuesve, janë hedhur shuma të mëdha parash për këto zgjedhje dhe PD-ja do të marrë të gjitha masat që këto zgjedhje të mos quhen të rregullta dhe të ndershme. Edhe institucionet ndërkombëtare kanë ngritur këto shqetësime”.
