Këshilli i Lartë i Prokurorisë brenda pak ditësh do të hapë garën për të aplikuar kandidatët për postin drejtues të Prokurorisë së Posaçme (SPAK).
KLP njofton se më 17 shtator në orën 10:00 do të shpallë garën për kreun e ri të SPAK-ut.
Mandati 3-vjeçar i Altin Dumanit në krye të SPAK përfundon në 16 dhjetor 2025. Sipas ligjit, prokurorët e SPAK nuk kanë të drejtë të rizgjidhen në krye të institucionit dy mandate rresht.
SPAK-u brenda organikës ka shumë prokurorë me integritet që mund të zëvendësojnë Altin Dumanin i cili edhe pas mandatit 3-vjeçar në krye të Prokurorisë së Posaçme, do të vazhdojë të jetë pjesë e “godinës së qelqtë”.
Gjatë mandatit të Altin Dumanit në krye të SPAK-ut, janë arrestuar dhe dënuar politikanë që deri dje konsideroheshin të paprekshëm, duke filluar nga drejtorë, kryebashkiakë, ministra dhe duke përfunduar tek ish-kryeministrat (Meta dhe Berisha).
