Sali Berisha iu ka bërë thirrje demokratëve që t’i bashkohen nesër protestës së opozitës që do të zhvillohet në Tiranë, në të njëjtën ditë ku do të mbahet samiti i BE me Ballkanin Perëndimor.
Gjithashtu Saliu paralajmëroi liderët europianë që të kenë kujdes kur t’i japin dorën kryeministrit Edi Rama.
“Nuk mund të na shpëtojnë nga vjedhjet e fondeve dhe pasurive publike nga Rama, por duhet ta dinë kur t’i japin dorën atij duhet të kontrollojnë xhepat, ose të merr ose të le diçka në xhep”, tha Berisha. Në krahun tjetër, kryeministri Edi Rama dhe Policia e Shtetit kanë bërë me dije se protesta e thirrur nga Berisha është e detyruar të zhvillohet jashtë perimetrit të sigurisë për të mos cënuar sigurinë kombëtare, në të kundërt kush e shkel do të përballet me ligjin.
