Kryeministri Edi Rama ka inspektuar punimet në Tunelin e Murrizit, një ndër projektet kyçe që synon të përmirësojë lidhjen rrugore midis Dibrës dhe Tiranës.
Në një transmetim në kohë reale, Rama bëri të ditur se mbetën vetëm 100 metrat e fundit të tunelit për t’u përfunduar.
“Ndalesë rrugës për Dibër në Tunelin e Murrizit, ku mbeten 100 metrat e fundit, por për shkak të gjeologjisë tejet problematike ecet me hapa të ngadaltë, duke bërë në çdo hap përforcime speciale të strukturës përpara vendosjes së veshjes përfundimtare me beton të tunelit. Sidoqoftë, puna avancon pa pushim, ndërsa me durim do të kapërcehen edhe këto 100 metra, për ta bërë edhe më të lehtë e më të shpejtë lidhjen e Dibrës me Tiranën“, shkruan Rama. KETU SHIKO VIDEO-n:
