Sali Berisha po bëhet gati për protestën e 11 shkurtit përballë Kryeministrisë. Gjatë takimit të sotëm me militantët e partisë së tij, Saliu paralajmëroi demokratët që do të dalin në shesh duhet ta qëllojnë Edi Ramën me vezë dhe domate.
“A lejohet Edi Rama të qarkullojë në Tiranë? A nuk duhet të qëllohet me vezë e domate kudo që kalon. Kur vjen një hajdut në oborr dhe merr diçka e ikën me vrap. Këtij i duhet treguar vendi. Të qëllohet me vezë e domate kudo që kalon. Ku i çon paratë?”, tha Saliu.
Partia Demokratike e Sali Berishës vazhdon të mbajë “të karikuar” elektoratin e saj me shpresën imagjinare për të “Rrëzuar Edi Ramën” nga qeveria. Fillimisht u premtua që përmbysja do të vinte në “shtator” por iku vjeshta, po ikën dimri dhe opozita vazhdon me të njëjtin avaz të vjetër.
