Safet Gjici do dalë përpara Gjykatës së Apelit të Posaçëm më datë 14 Korrik, ora 11:00. Shorti ka caktuar gjyqtaren Saida Dollani për të shqyrtuar ankimimin e Gjicit i cili nuk duron dot në burg dhe kërkon që ndaj tij të merret një masë më e lehtë sigurie.
Ish kryebashkiaku i Kukësit ankimoi masën e arrestit me burg, nëpërmjet avokatit të tij mbrojtës, me argumentin se tenderi që flitet në video nuk është shpallur asnjëherë nga bashkia e Kukësit dhe se klienti i tij nuk ka kryer asnjë shkelje të ligjit.
Safet Gjici u arrestua më 24 qershor me akuzën e korrupsionit pasiv, ndërsa pretendoi se nuk ka shkelur ligjin, por ra pre e një kurthi nga kundërshtarët e tij politik.
