Koncerti i ditës së djeshme i yllit me famë botërore Dua Lipa, është vlerësuar si koncerti më i ndjekur në histori i realizuar nga një artiste e vetme. Me një pjesëmarrje prej rreth 200 mijë personash, shfaqja që dhuroi falas mbrëmjen e djeshme Dua Lipa ka kaluar rekordin e vendosur nga Tina Turner në 1988.
Atmosfera e krijuar mbrëmjen e 28 nëntorit do të mbetet gjatë në mendjen e mijëra të rinjve e të rejave që mbushën plot sheshin Skënderbej për të parë duke performuar, Dua Lipën, e cila përmbylli në Tiranë turin e saj botëror “Future Nostalgia”.
“Shfaqja falas e Future Nostalgia Tour në Tiranë, Shqipëri është tani koncerti solo më i ndjekur nga një artiste solo në histori, me rreth 200,000 spektatorë. Ka kaluar rekordin e vendosur nga Tina Turner në vitin 1988”, shkruan Dua Lipa në twitter.
