Kryeministri Edi Rama ka reaguar per here te pare pas daljes nga spitali ku dhe dy ditë më parë iu nënshtrua një ndërhyrje kirurgjikale.
Rama ka falenderuar të gjithë ata që u interesuan për shëndetin e tij përgjatë këtyre ditëve si dhe një falenderim special ka dhe për mjekët dhe infermierët e QSUT. Shefi i qeverisë njofton se ditën e sotme e ka lënë spitalin dhe gjendja e tij shëndetësore është e mirë.
“Një falenderim nga zemra kujtdo prej jush që këto ditë është interesuar për shëndetin tim. Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falenderuar mjekët e infermierët për përkujdesjen e tyre. Besoj se do të kthehem shpejt mes jush dhe edhe njëherë shumë faleminderit për mbështetjen tuaj. Ju dua shumë, Edi”, shkruan Rama.
Kryeministri Edi Rama i cili mbrëmjen e së dielës iu nënshtrua një operacioni për heqjen e apendisitit.
