Ministri i Jashtëm grek, Nikos Dendias ka kontaktuar me kryeministrin Edi Rama pas arrestimit të Fredi Belerit i cili akuzohet për shit-blerje votash. Biseda mes tyre vjen pasi ambasadorja greke në Tiranë, Konstantina Kamitsi, pas udhëzimeve të Dendias zhvilloi një takim në Ministrinë e Punëve të Jashtme.
Arrestimi i Belerit vjen pak orë nga zgjedhjet e 14 Majit. Ai u arrestua pak pas mesnate në lokalin e tij në Himarë pas një operacioni të policisë dhe Prokurorisë së Vlorës.
Rama reagoi për arrestimin e tij duke thënë se: “Ndalimi i kandidatit të opozitës për Himarën F.Beleri me urdhër të prokurorisë përbën një sprovë të madhe për drejtësinë në vigjilje të zgjedhjeve, që do të thotë se shkelja e ligjit nga ana e tij duhet të jetë e provuar dhe ndalimi i tij ligjërisht i motivuar!”
