Kreu i Grupit Parlamentar të PS, Taulant Balla dënoi sjelljen e Sali Berishës i cili bllokoi foltoren e Kuvendit.
Teksa komentonte bllokimin e foltores nga deputetët e Berishës më herët gjatë ditës, Balla tha se bëhet fjalë për një sjellje që tenton të pengojë edhe integrimin e Shqiperise ne BE.
“Rregullat janë të qarta, vijnë këtu dhe marrin me dhunë foltorjen e kuvendit , aureolën e demokracisë dhe vazhdoj ta them se është e turpshme që non-grata, së fundmi në bashkëpunim më një bashkëpunëtor të ish sigurimit të shtetit të mundohen të pengojnë punë e Kuvendit të Shqipërisë. Berisha nuk e do integrimin, sjellja e sotme për të penguar foltoren është sjellje për të penguar integrimin. Nuk ndjej keqardhje për non grata dhe ish-sigurimin që i vihet pas, por për kolegët e opozitës që i komplekson fakti dhe i shkojnë mbrapa si bedel”, tha Balla.
