“Unë me Albinin komunikoj rregullisht”. Kështu shprehet kryeministri i Shqipërisë Edi Rama, teksa pyetet për marrëdhënien që ka me homologun Albin Kurti, pas anulimit të mundshëm të takimit mes dy qeverive, planifikuar për 14 Qershor në Gjakovë.
Gjatë fjalës së tij në daljen urgjente për mediat, Edi Rama tha se bashkësia euroatlantike rrezikon t’i mbyllë të gjitha dyert Albin Kurti, pas refuzimit që ai po u bën thirrjeve të tyre për të qetesuar situatën në veri.
“Unë me Albinin komunikoj rregullisht. Kam komunikuar këto ditë, edhe më parë. Me Qeverinë e Kosovës punojmë normalisht. Nuk kemi të njëjtin opinion dhe pozicion në këtë çështje, por tani ka një kurs përplasje, jo me ne, se bashkësia euroatlantike mund të vendosë që kryeministri i Kosovës të mos pritet më në asnjë derë. Në Shqipëri ai e ka derën të hapur”, u shpreh Rama.












