Një tjetër episod i ndodhur këtë të Mërkurë ka shtuar tensionet mes Kosovës dhe Serbisë. Autoritetet zyrtare të Kosovës i ka dhënë një “goditje të fortë” Serbisë menjëherë pas rrëmbimit të tre policëve në veri të vendit nga grupet militante serbe.
Bëhet me dije nga mediat kosovare se Kosova ka bllokuar në kufi të gjitha mallrat serb, kjo si përgjigje “hakmarrëse” për veprimin e paprecendentë, ku 3 pjesëtarë të forcave speciale janë marrë peng brenda territorit të Kosovës.
Për këtë ngjarje të rëndë ka reaguar edhe kryemimistri i Kosovës Albin Kurti, i cili hedh akuza të forta ndaj Serbisë dhe Vuçiçit. Kujtojmë që Kurti ka “injoruar” drafin e propozuar nga kryeministri i Shqiperise, Edi Rama për Asocacionin e komunave me shumicë serbe në veri të Kosovës. Vazhdimisht Edi Rama ka bërë thirrje për të qetësuar situatën në veri, pasi ka paralajmëruar se BE dhe SHBA do të sanksionojnë fort Kosovën.
