Kryeministri Edi Rama ka mbërritur pak më parë në Shkup, vizitë kjo në kuadër të turit ballkanik. Kreu i qeverisë, i shoqëruar nga delegacioni shqiptar është pritur me tapetin e kuq në aeroport nga zëvendëskryministri Artan Grubi.
Në orën 12:00 do të jetë konferenca e përbashkët për shtyp e kryeministrit Rama me homologun Dimitar Kovaçevski në kuadër të bisedimeve për “Procesin e Berlinit”. Kreu i qeverisë ka publikuar një foto nga Shkupi, ku shihet se është shoqëruar nga ministri i Mbrojtjes Niko Peleshi si dhe nga Majlinda Dhuka, kryenegociatore e Shqipërisë me BE-në.
Pas takimit mes delegacioneve është parashikuar një drekë e përbashkët dhe më pas Rama do të udhëtojë drejt Kosovës, për të realizuar takim fillimisht me Presidenten Vjosa Osmani e me kryeparlamentain Glauk konjufca. Ndërkohë, Rama është në pritje konfirmimit të një takimi të mundshëm me kryeministrin e Kosovës, Albin Kurti.
