Kryeministri Edi Rama, i cili nuk përmbushi kushtin e Albin Kurtit për një takim kokë më kokë gjatë vizitës në Prishtinë, u shpreh se “kam akoma shpresë që Albini nuk e ka harruar Kanunin, që kur vjen në shtëpi”.
“Në Kosovë kur të shkoj kam akoma shpresë që Albini nuk e ka harruar Kanunin, që kur vjen në shtëpi edhe hasmit i hapet dera dhe është ndaluar ta nxjerrësh deri kur ai të mbarojë fjalën”, tha Rama në konferencën me Dimitar Kovaçevski në Maqedoninë e Veriut.
Kryeministri i Kosovës Albin Kurti i vendosi kusht Edi Ramës që për t’u takuar ditën e sotme në Prishtinë, duhej të mbahej mbledhja e dy qeverive e anuluar nga ana e kreut të qeverisë shqiptare më 14 Qershor në Gjakovë.
