“Arben Ahmetaj nuk ndodhet në Shqipëri“. Lajmi i bujshëm është konfirmuar nga avokatët e ish-ministrit socialist gjatë mbledhjes në Këshillin e Mandateve.
Avokatët Ardian Visha dhe Henrik Ligori janë shprehur pak çaste më parë se “Ahmetaj për momenti është larguar nga Shqipëria”, megjithatë nuk kanë dhënë më tepër detaje se ku mund të ketë shkuar ish-ministri që SPAK kërkon ta arrestojë.
Më herët gjatë ditës së sotme, mediat raportuan se Ahmetaj ka lënë Shqipërinë ditën e premte, në datën 7, duke dalë përmes doganës me Greqinë. Megjithatë nuk përjashtohet mundësia që Ahmetaj të jetë larguar drejt një shteti tjetër.
