Ish-kryetari i Bashkisë së Fushë Arrëzit, Fran Tuci është arrestuar mbrëmjen e djeshme. Burime për media bëjnë me dije se Fran Tuci është arrestuar me urdhër të SPAK, pasi akuzohet për “shpërdorim detyre”.
Bëhet me dije se “arrest shtëpie” është dhënë për administratorin e Njësisë së Fushë-Arrëzit si dhe “detyrim paraqitje” për një fadromist.
Tuci akuzohet për shpërdorim detyre pasi ka lejuar banorët të pastrojnë një pjesë të rrugës në një fshat të Fushë Arrëzit me fondet e komunitetit.
Fran Tuci u zgjodh kryetar i Bashkisë Fushë-Arrëz në zgjedhjet lokale të vitit 2015, si përfaqësues i Partisë Socialiste. Po ashtu ai u rizgjodh si kryetar i këaj bashkie në 2019, pasi opozita bojkoti zgjedhjet.
