Kryeministri Edi Rama e ka nisur ditën e sotme me një lajm të veçantë për të ndihmuar shqiptrët në nevojë.
Kreu i qeverisë shkruan se përmes aplikimit online në e-Albania mund të rezervoni ditën dhe orën e dhurimit vullnetar të gjakut. Rama kërkon që të forcohet zinxhiri i solidaritetit për dhurimin vullnetar të gjakut, për të përmbushur nevojën jetësore për të sëmurët.
“Me platformën online të dhurimit vullnetar të gjakut që tani përmes aplikimit në e-Albania mund të rezervoni ditën dhe orën e dhurimit, e nëse jeni një grup punonjësish, duke aplikuar, vjen tek ju ekipi i Qendrës Kombëtare të Transfuzionit të Gjakut, ju ftoj të forcojmë zinxhirin e solidaritetit për dhurimin vullnetar të gjakut, për të përmbushur nevojën jetësore për të sëmurët me talasemi dhe të gjithë ata që kanë nevojë”, shkruan Rama.
