Partia Socialoste më 26 korrik do të mbledhë Asamblenë Kombëtare. Burimet mediatike bëjnë me dije se mbledhja e Asamblesë se PS ka si synim bërjen e një analize të detajuar për zgjedhjet e ’14 majit’.
Gjithashtu një tjetër pikë në fokus të diskutimeve do të jetë dhe analiza e punës dhe performancës së çdo ministrie. Ende nuk dihet nëse në këtë mbledhje do të ketë diskutime për ndryshime në qeveri, pasi prej kohësh flitet se kryeministri Edi Rama ka menduar të largojë disa nga ministrat e tij, por nëse kjo nuk ndodh ditën e mërkurë, mbetet për t’u parë se çfarë do të ndodhë në shtator.
Mësohet se pjesën më të madhe të kohës gjatë mbledhjes së Asamblesë ta zërë fjalimi i kryeministrit Edi Rama. Po ashtu në këtë mbledhje do të diskutohet dhe analizohet edhe puna e organizatave dhe strukturave të larta të Partisë Socialiste.
