Gazetari Lorenc Vangjeli deklaroi se daullet e luftës në Partinë Demokratike na ndalojnë të kemi vëmendje në atë që po ndodh brenda Partisë Socialiste.
Vangjeli tha se edhe pse situata në Partinë Socialiste duket e qetë, nëse do të “hapim kamerat” do shikonim thika pas shpine nga ‘secili për secilin’.
“Nëse ndizen kamerat në PS, do shikojmë se selia rozë nuk është aq rozë, por ka lumenj tmerri e vreri, zilie e xhelozie, interesa që përplasen njëri me tjetrin, thika nga secili ndaj shpinës së gjithësecilit, të cilat si rezultat në fund fare kanë njeriun të cilit i blatojnë të paktën dy fitore të njëpasnjëshme, ky është Edi Rama. Koston e paguan Edi Rama, njeriu që i solli dhe po i mban në pushtet. Janë disa njerëz si Elisa Spiropali, Taulant Balla e madje edhe Damian Gjiknuri është nga këta njerëz”, tha Lorenc Vangjeli.
