3 muaj pas bllokimit të procedurës së parë, Hekurudha Shqiptare ka hapur sërish tenderin për studimin e fizibilitetit dhe projektit për linjën moderne hekurudhore Durrës-Prishtinë.
200 milionë lekë (2 miliardë të vjetra) është shuma që është vendosur në dispozicion për studimin. Afati i fundit për dorëzimin e ofertave për shërbimin e konsulencës është data 28 Gusht.
Kohëzgjatja e kontratës ose afati për zbatimin e saj është 14 Muaj. Linja hekurudhore Durrës-Prishtinë vlerësohet me një kosto të përafërt 700 milionë euro.
Çfarë ndodhi herën e parë, pse u bllokua procedura? Komisioni i Prokurimeve Publike në prill të këtij viti bllokoi tenderin për studimin e fizibilitetit për linjën hekurudhore Durrës-Prishtinë me argumentin se autoriteti kontraktor nuk ka zbatuar ligjin për skualifikimin e njërit prej konkurrenteve.
