Teksa ende nuk i kemi parë bashkë që pas “Big Brother VIP”, të gjithë jemi shumë kuriozë të dimë se si është sot raporti mes Efi Dhedhes dhe Luiz Ejllit.
Kuriozitet që na e ka shuar Efi në Instagram. Ajo ka realizuar një seri me pyetje-përgjigje me ndjekësit e saj duke u përgjigjur pyetjeve të ndryshme.
Mes tyre dikush e ka pyetur nëse do e mbështesë Luizin sot që do publikojë këngën e re. Efi nuk heziton të thotë që do e mbështesë duke e konsideruar atë një nga këngëtarët më të mirë shqiptarë.
“Normal që do e suportoj se besoj e dinë të gjithë që Luizi është një nga këngëtarët më të mirë dhe ka një zë fantastik”-thotë Efi, duke lënë të kuptohet se çdo gjë mes tyre është mirë.
